Erika Heslop Martin

Rookie (January 15 / Kingston, Jamaica)

Woman Have Heavy Load - Poem by Erika Heslop Martin

Woman a noh heavy load,
Woman have heavy load.
Dem can never seh dem bored.
Work load, man load, 'woman a badmind dem' load,
Pickney load, bills fi pay load, house fi clean load, hair fi do load,
Washing clothes load an food fi cook load.

Dem seh woman a heavy load wen Satday mawning com,
But a no soh, woman have heavy load Sunday to Satday.
Woman have heavy load,
Stress out fi mad dem load.
But some woman strong an can manage di load.
Hundred poun load pon dem head an ten poun load pon dem yeye top,
Load heavy like led.
Han a batta bruise an back a bruck.

Woman have heavy load,
Soh if yuh bawn a woman,
Be prepared to carry a heavy load.
A jus soh it goh.
Unless yuh call pon Massa Jesus an beg him fi carry it fi yuh.
Woman have heavy load, heavy heavy load.

Comments about Woman Have Heavy Load by Erika Heslop Martin

There is no comment submitted by members..

Read this poem in other languages

This poem has not been translated into any other language yet.

I would like to translate this poem »

word flags

What do you think this poem is about?

Poem Submitted: Monday, August 26, 2013

Poem Edited: Tuesday, August 27, 2013

[Report Error]