ପୁରଥିରାଜ ସିଂହ Purthiraj Singh Poem by Gajanan Mishra

ଦୁଇଗୁନା ଲାଭ
ଗଜାନନ ମିଶ୍ର

ଥିଲେ ପାଟନା-ବଲାଙ୍ଗିର ରଜା
ପୁରଥିରାଜ ସିଂହ।
ସିକେର ଜଙ୍ଗଲେ
ଚାକରି କର୍ ଯା
ବଏଲେ ଝନେକେ।
ସେ ଝନକ ପଚରାଲା
ଦରମା କେତେ ଦେବେ
ମାହାପୁରୁ!
କହେଲେ ରଜା -
ହଏରେ ଟୁରା,
ମୁଇଁ କେଁ ଭକୁଆ!
ଦୁଇଗୁନା ଲାଭ ମୋରନୁ
ଭାବୁଛୁ ଉଠାବୁ!

2

ଏବର ଉଡଶା ସରକାର,
ସ୍ୱାଧୀନ ଭାରତ।
ଜ୍ଞାନୀ, ଇଂଲିଶ ପାଠୁଆ!
ଝନେକେ ଅର୍ଡର ଦେଲେ
ଯା ବୋ ଯା, ମୁରିବାହାଲେ
ତହସିଲଦାର ହେବୁ।
ଚିକିର ପୋ, ସାହସ ନେଇଁ
ପଚରାବା କାଣା!
ମୁରିବାହାଲେ ଜେତକି
ବାଏଲ ମାଏଟ ଗେଟି ପଥର
ସବୁଠାନୁ ସାଁକଲିଲା ଟଙ୍କା,
ସରକାରନୁ ଦରମା ଭି
ସାଠେ ହଜାର, ପାବାର ଦେଖାଲା
ପାଟନାରଜା ପୁରଥିନୁ ଜାଦା!

ତପୋବନ, ଟିଟିଲାଗଡ, ବଲାଙ୍ଗିର
20/8/2019