Sa Laing Bahin.... Poem by RIC BASTASA

unta

dili mo na isulat ang bahin

sa pagbiya


morag adobo nga wala'y

pamenta og asin

nawala na ang kananam

bisan gani ang

humba

wala na say lami

kon kini balikbalikon diha

sa atong

pamahaw


irog irog gamay paingon

sa kalipay


unta ang imong

isulat kabahin sa panagtagbo

karong gabii

sa duha ka uyab nga dugay

nang wala magkita


didto sa ilalom sa punoan

sa mangga

silong sa bulan nga

tibook sa

kalangitan