നനുത്ത വിദൂരസ്വപ്നത്തിൽനിന്ന് ഒരു മരതകക്കല്ല് ഉയർന്നുവരുന്നു
കടൽക്കാറ്റിന്റെ ഊതനീലച്ചുരുളുകളാകുന്ന മുഖപടമണിഞ്ഞ്;
ഒരു നഗരത്തിന്റെ ഉണർവ്വേകുന്ന തിളക്കമാർന്ന
ശ്വേതസ്നിഗ്ദ്ധതയെ മൃദുവായി ആ സ്വപ്നം വളർത്തുകയായി:
ചിതറിവീണ അരുണിമ, വർണ്ണോത്സവമായി കടലാസുപൂക്കൾ, പനമരങ്ങൾ.
ഏതോ ഒരു പൂന്തോപ്പിലുണരുമൊരു പോർച്ചുഗീസ് ഗാനത്തിന്നീണത്തിൽ
ഉറങ്ങിപ്പോയ കാറ്റുകളിൽ നഷ്ടമായും അവയെ മറന്നും
വിണ്ണിന്നുയരങ്ങളിലെ അനന്തനീലിമയിൽ ഒരു ശാന്തമേഘം അലയുന്നു.
This poem has not been translated into any other language yet.
I would like to translate this poem
Malayalam Translation of poem " Madeira from Sea" by Sara Teasdale