Sino ang dapat ko paniwalaan
ang babae na tinuring ako na
isang kaibigan, ako ay minahal
ngunit nagpasakit ng damdamin
ng isang gabi sya saki'y umamin
naging malapit, mabait sya sa akin
araw-araw nya ako palagi kausapin
ako ay sinabihan nya ng isang lihim
sabi nya ito'y para lamang sa amin
binunyag nya na sya ay muling
kinakausap ng dati nyang nobyo
kay ganda ng bawat salitang bigkas
lalaking mga winika sadyang tamis
pag ibig na alay sa puso, di naalis
kahit ilang dekada na ang dumaan
patuloy syang nasa dibdib at isipan
hanggang sa ngayo'y sya ay iniibig
ito ay nagpupumilit at di mapigilan
ang kwento sa akin ng babae ay
ayaw na nya sa lalaki at sinabihan
sya dapat lang ay isang kaibigan
ang babaeng ito ay walang alam
na lalaking iyon ay aking katipan
nang malaman ng aking nobyo
mga kwento na aking nalaman
ito'y kanyang tinanggi ng tuwiran
di nya daw ito magagawa sakin
ako lamang daw kanyang mahal
sino kaya sa kanilang dalawa
ang nagsasabi ng katotohanan
puso't ispan ko'y naguguluhan
sino sa kanilang dalawa ang
nararapat kong paniwalaan?
This poem has not been translated into any other language yet.
I would like to translate this poem