Sirkiro Poem by Cindy Velasquez

25 October 2008

Kab-ota ang kalisdanan nga galabyog paibabaw
Pakurati silang tanan nga gahangad pagtan-aw

Lupad duyog sa kakulba ug ayaw gyod palamat
Sa tabyog sa mga takna ug kini sublia pag-inat

Kon masayop ka ikaw ra ang gagubot sa lukot
Malapason ka kon ikaw mahagbong kadiyot

Ug ang kaguliyang magtukmod sa kalamposan
Kon mobangon ka sa kalisod nga nagabhian

Ang pagkatagak mahimong salag sa paglingaw
Ang mga pakpak ang pako sa imong pagtukaw