Unsaon Pagkaon Sa Impyerno? Poem by Cindy Velasquez

Unsaon Pagkaon Sa Impyerno?



24 August 2008


Sukara ang kahadlok sa init nga kaha
Aron imong isula sa dukot nga panggoberno

Ibutang sa imong plato samtang
Naay mga yawa sa imong atubangan

Kinamota ug usapa hangtod
mabusog ka uban sa mga bala

Hay...dili na uso ang tinidor ug
Kutsara, mao na, kaon na lang diha.

Kon ikaw mapul-an sa imong sud-an,
Uy, ang kahadlok pwede baya silian

Ania pa man sad ang hilaw nga paglaom
Ug isawsaw lang sa bahaw nga kalinaw

Ug kon ikaw mapaso, intawn
Ayaw kalimot og pag-ampo

COMMENTS OF THE POEM
Freddie Limbaga 16 June 2009

ahhh, , , anindot kaayo ni bai, , , , segi pud kog balik balik anig basa.. huhuhu

0 0 Reply
Mifael Llauderes 17 March 2009

i read this poem many times already... thoughts of this visit me from time to time. harsh realities.

0 0 Reply
READ THIS POEM IN OTHER LANGUAGES
Cindy Velasquez

Cindy Velasquez

Cebu City, Philippines
Close
Error Success