YE gallants bright, I rede you right,
Beware o' bonie Ann;
Her comely face sae fu' o' grace,
Your heart she will trepan:
Her een sae bright, like stars by night,
Her skin sae like the swan;
Sae jimply lac'd her genty waist,
That sweetly ye might span.
Youth, Grace, and Love attendant move,
And pleasure leads the van:
In a' their charms, and conquering arms,
They wait on bonie Ann.
The captive bands may chain the hands,
But love enslaves the man:
Ye gallants braw, I rede you a',
Beware o' bonie Ann!
This poem has not been translated into any other language yet.
I would like to translate this poem
Youth, Grace, and Love attendant move, And pleasure leads the van: In a' their charms, and conquering arms, They wait on bonie Ann. The captive bands may chain the hands, But love enslaves the man: Ye gallants braw, I rede you a', Beware o' bonie Ann!