ଥାଅ ସେପଟେ Stay There Poem by Gajanan Mishra

ଅରୁଆ ଦେବ
କହିଦିଅ ଜମିବାଲାକୁ ଏଥର,
ବର୍ଷା ନାହିଁ, ନଈ ଶୁଖା,
ଉପରମୁଣ୍ଡରୁ ଆସୁ ନି ପାଣି।

ଗଲେ ନି ଲୋକେ ଦାଦନ ଖଟି।
ଦାଦନ ଉପରେ ଗଳ୍ପ କବିତା ଲେଖି
ପାଇଲେଣି କେତେଜଣ ପୁରସ୍କାର।

ସରକାର ଖୁସ୍।
ସୃଜନଶୀଳବ୍ୟକ୍ତି ବି ମସ୍ତିରେ।

କୁକୁରଗୁଡାକ ଭୁକିବାବେଳେ
ରୂଟି ଫିଙ୍ଗିଦେଲେ ଆପେ ହୁଅନ୍ତି ଚୁପ୍।

ଏଥର କଳାଯାଉଛି ଗ୍ରୁପ୍।
କୌଣସି ଗ୍ରୁପ୍ ର ନ ହୋଇ ପାରିଲେ
ଥାଅ ସେପଟେ।

ଯାହା ଦରକାର ଯେତେବେଳେ
କରିତକର୍ମାଗୁଡାକ ନେଇଆଣି
ଥୋଇଦେବାରେ ଆଗ।

ରୁହ, ଦେଖେଁ ଅବସ୍ଥା କଣ?
ହେବ ନି କିଛି । ଜାଣେ।
ଭାଗ୍ୟ ଏମିତି।