ଜନ୍ମଦିନକୁ ନେଇ Taking Birthday Poem by Gajanan Mishra

1.

ଜନ୍ମଦିନ କାହାର?
କେମିତି କିଏ ନିଏ ଜନ୍ମ?
କେଉଁଠାରେ କେତେବେଳେ?
କରେ କଣ ଜନ୍ମନେଇ?
ପଚାରେ ଆକାଶ ସବୁ ମାଟିକି ।

2.

ଏ ଜନ୍ମଦିନକୁ ନେଇ
ଏତେ ହଇହଲ୍ଲା, ଦୀପ ଜଳା,
ମହମ ଲିଭା, କେକ କଟା,
ଖିରି କାକରା, ଡକା ହକା ।
କଣ ସେଇଟା ପଚାରିଲାବେଳକୁ ଏକା,
ନାହିଁ ପାଖରେ କରିବାକୁ ଦେଖା ।

3.

ଆଲୁଅ ଆଉ ପବନ
ମିଶି କହିଲେ ଆସିଛୁଁ ଆମେ
କରିବାକୁ ତୁମର ଜନ୍ମଦିନ ପାଳନ,
ହସିଲେ ଖିଲଖିଲ୍ ମାଟି ଆଉ ଆକାଶ,
ପାଣି ଏକା ନାଚୁଥିଲା ପାହାଡ ସମୁଦ୍ରରେ ।

4.

କୋଉଠି କେମିତି ଜନ୍ମ ହେଉଛି କିଏ
କେତେବେଳେ କଣ ପାଇଁ ଜାଣି ନ ପାରି
ଆମେ ବାଉଳା ଏଠି ସେଠି ।
ଶୁଭେଚ୍ଛା ଜନ୍ମଦିନ କହିବାରେ,
ମୌଜରେ ଦିନ ନେବାରେ ନାହିଁ ମନା