ସମୟଚିରି Tearing Time Poem by Gajanan Mishra

1


ମିଥ୍ଯା ଧାରଣାରେ
ଗଜାନନ ମିଶ୍ର

ମନ୍ଦିର ତୋଳି ନ ପାରିଲେ
ବାଟରେ ହଗି ଦିଅ,
ଏଇଆ ଭାବି କର୍ମ କରିଛ ତ!

ବାଜେ କର୍ମରେ ଦେଇଛ ସାରି
ସବୁ ମାନ ମହତ।

ଉଠାଅ ଆଉ ଉଠ,
ଭୁଲିଗଲ କେମିତି ତୁମେ ଇ
ତୁମର ସମ୍ରାଟ, ତୁମେ ବିରାଟ,
ନୁହଁ କେବେ ଡକାୟତ କି ଖଣ୍ଟ।

ଭୀଷଣ ଘୃଣାରେ
ନିଜ ସ୍ୱପ୍ନକୁ ନିଜେ ଇ
ଦେଇଛ ଭାଙ୍ଗି ।
ମଧୁର ଗନ୍ଧକୁ ମିଥ୍ଯା ଧାରଣାରେ
କେମିତି ଦେଲ ହେ ପୋଡି!

ତପୋବନ, ଟିଟିଲାଗଡ, ବଲାଙ୍ଗିର
17/8/2019

2
ଯାତ୍ରା ମୋର
ଗଜାନନ ମିଶ୍ର

ଏ ଯୋଉ ଯାତ୍ରା
କୋଉଠୁ କୋଉଠିକୁ
ମତେ ନାଇଁ ଜଣା।

ବୃଥା ବାଗାଡମ୍ୱର,
ବୃଥା ଭୟ
ମତେ କରେ ନି ବଣା।

ବିଶ୍ୱସ୍ତ ଭୃତ୍ୟ ମୁଁ
ଏ ସମୟର।
ସମୟ କିନ୍ତୁ ନୁହଁ
ମୋର ବିଶ୍ୱସ୍ତ ଅନୁଚର।

ତଥାପି ସମୟଚିରି
ଯାତ୍ରା ମୋର ରହେ ଅବ୍ୟାହତ।
ସମୟ ଘରୁ ସମୟ ଘରକୁ
ଡେଉଁଥାଏ ମୋର ବିରାଟ ବ୍ୟକ୍ତିତ୍ୱ।

ତପୋବନ, ଟିଟିଲାଗଡ, ବଲାଙ୍ଗିର
17/8/2019