The Chick Poem by HAZEL Calumarde

Wala pa ko'y dagang
dili pa ako sunoy
nga igtalari na
sa sabong sa Langtad
matag Sabado sa hapon

Usa palang ako ka bag-ong tali
ang akong mga pako wala pa nakompleto sa iyang balahibo
sama nianang kuyabog
nga gapraktis,
gapa-ugnat
sa iyang mga kasko

Hunat,
kapay-kapay
sa halapad nga langit sa balak
ambisyong maabot anga salag sa bituong
saw damgo
nalang sa gihapon.

Antuson ang biay-biay
asa langaw nga gasabay-sabay
gakatawa' ginay-hinay
lantaw sa akong paggabay-gabay
sa mga bungbong
sa akong balay
nga dugay ko nang
gipanday-panday.