The Daft Days - Poem by Hew Ainslie
The midnight hour is clinking, lads,
An' the douce an' the decent are winking, lads;
Sae I tell ye again,
Be't weel or ill ta'en,
It's time ye were quatting your drinking, lads.
Gae ben, 'an mind your gauntry, Kate,
Gi'es mair o' your beer, an' less bantry, Kate,
For we vow, whaur we sit,
That afore we shall flit,
We'se be better acquaint wi' your pantry, Kate.
The "daft days" are but beginning, Kate,
An we're sworn. Would you hae us a sinning, Kate?
By our faith an' our houp,
We will stick by the stoup
As lang as the barrel keeps rinning, Kate.
Thro' hay, an' thro' hairst, sair we toil it, Kate,
Thro' Simmer, an' Winter, we moil it, Kate;
Sae ye ken, whan the wheel
Is beginning to squeal,
It's time for to grease an' to oil it, Kate.
Sae draw us anither drappy, Kate,
An' gie us a cake to our cappy, Kate;
For, by spiggot an' pin!
It's waur than a sin
To flit when we're sitting sae happy, Kate.
Comments about The Daft Days by Hew Ainslie
Read this poem in other languages
This poem has not been translated into any other language yet.
Still I Rise
The Road Not Taken
If You Forget Me
Edgar Allan Poe
Stopping By Woods On A Snowy Evening
I Do Not Love You Except Because I Love You