Robert Burns

(1759-1796 / Ayrshire / Scotland)

The Fête Champêtre - Poem by Robert Burns

O WHA will to Saint Stephen's House,
To do our errands there, man?
O wha will to Saint Stephen's House
O' th' merry lads of Ayr, man?
Or will we send a man o' law?
Or will we send a sodger?
Or him wha led o'er Scotland a'
The meikle Ursa-Major? 1


Come, will ye court a noble lord,
Or buy a score o'lairds, man?
For worth and honour pawn their word,
Their vote shall be Glencaird's, 2 man.
Ane gies them coin, ane gies them wine,
Anither gies them clatter:
Annbank, 3 wha guessed the ladies' taste,
He gies a Fête Champêtre.


When Love and Beauty heard the news,
The gay green woods amang, man;
Where, gathering flowers, and busking bowers,
They heard the blackbird's sang, man:
A vow, they sealed it with a kiss,
Sir Politics to fetter;
As their's alone, the patent bliss,
To hold a Fête Champêtre.


Then mounted Mirth, on gleesome wing
O'er hill and dale she flew, man;
Ilk wimpling burn, ilk crystal spring,
Ilk glen and shaw she knew, man:
She summon'd every social sprite,
That sports by wood or water,
On th' bonie banks of Ayr to meet,
And keep this Fête Champêtre.


Cauld Boreas, wi' his boisterous crew,
Were bound to stakes like kye, man,
And Cynthia's car, o' silver fu',
Clamb up the starry sky, man:
Reflected beams dwell in the streams,
Or down the current shatter;
The western breeze steals thro'the trees,
To view this Fête Champêtre.


How many a robe sae gaily floats!
What sparkling jewels glance, man!
To Harmony's enchanting notes,
As moves the mazy dance, man.
The echoing wood, the winding flood,
Like Paradise did glitter,
When angels met, at Adam's yett,
To hold their Fête Champêtre.


When Politics came there, to mix
And make his ether-stane, man!
He circled round the magic ground,
But entrance found he nane, man:
He blush'd for shame, he quat his name,
Forswore it, every letter,
Wi' humble prayer to join and share
This festive Fête Champêtre.

Topic(s) of this poem: man


Comments about The Fête Champêtre by Robert Burns

There is no comment submitted by members..



Read this poem in other languages

This poem has not been translated into any other language yet.

I would like to translate this poem »

word flags


Poem Submitted: Saturday, October 25, 2014



Famous Poems

  1. Still I Rise
    Maya Angelou
  2. The Road Not Taken
    Robert Frost
  3. If You Forget Me
    Pablo Neruda
  4. Dreams
    Langston Hughes
  5. Annabel Lee
    Edgar Allan Poe
  6. Stopping By Woods On A Snowy Evening
    Robert Frost
  7. If
    Rudyard Kipling
  8. Do Not Stand At My Grave And Weep
    Mary Elizabeth Frye
  9. I Do Not Love You Except Because I Love You
    Pablo Neruda
  10. Television
    Roald Dahl
[Report Error]