We Scots are a free reenge breed
See the diaspora? Like thrissle seeds in a gale
We're aawye, ony wee crack or neuk'll dae
Fur us tae sattle, trailin oor reets
Like navel towes, tied tae Mither Caledonia
Stirling, Bannockburn, Falkirk,
Otterburn, Flodden, Culloden
The bluid o a warrior tribe rins ben oor veins
Bratach rìoghail na h-Alba's
The sail that steers oor boatie.
Hector MacKay in Quebec weirs
The Lion rampant on his t-shirt,
Proodly on Hogmanay
Elroy Zanzibar-Farquharson in Jamaicay
Has stukken a lion magnet on his fridge
‘Och ay the noo' he says
As he cracks open anither tinnie
Felicity Menzies jogs aroon New York
Wi a lion rampant frontin the peak o her cap
She ains twa cds o the Glesga polis pipe band
In Majorca, Rab C. Buchan
Dichts the san frae his taes
Wi a Lion rampant tool
Thon lion gaes aawye
Pencils, shortbreid tinnies, car stickers
It's aa tae dae wi attitude
Nemo me impune lacessit
Mess wi me an I'll batter ye.
This poem has not been translated into any other language yet.
I would like to translate this poem