The Sauchs In The Reuch Heuch Hauch Poem by Hugh MacDiarmid

The Sauchs In The Reuch Heuch Hauch

Rating: 3.5


(For George Reston Malloch)

There's teuch sauchs growin' i' the Reuch Heuch Hauch.
Like the sauls o' the damned are they,
And ilk ane yoked in a whirligig
Is birlin' the lee-lang day.

O we come doon frae oor stormiest moods,
And Licht like a bird i' the haun',
But the teuch sauchs there i' the Reuch Heuch Hauch
As the deil's ain hert are thrawn.

The winds 'ud pu' them up by the roots,
Tho' it broke the warl' asunder,
But they rin richt doon thro' the boddom o' Hell,
And nane kens hoo fer under!

There's no' a licht that the Heavens let loose
Can calm them a hanlawhile,
Nor frae their ancient amplefeyst
Sall God's ain sel' them wile.

COMMENTS OF THE POEM
Kate McDiarmid 03 August 2018

This is awful! You have got almost every Scots word wrong. Couldn't you have checked, or preferably got a Scot to read it?

0 0 Reply
READ THIS POEM IN OTHER LANGUAGES
Close
Error Success