The Spaewife Poem by Robert Louis Stevenson

The Spaewife

Rating: 3.1


OH, I wad like to ken—to the beggar-wife says I—
Why chops are guid to brander and nane sae guid to fry.
An’ siller, that ’s sae braw to keep, is brawer still to gi’e.
It ’s gey an’ easy spierin’, says the beggar-wife to me.

Oh, I wad like to ken—to the beggar-wife says I—
Hoo a’things come to be whaur we find them when we try,
The lasses in their claes an’ the fishes in the sea.
It ’s gey an’ easy spierin’, says the beggar-wife to me.

Oh, I wad like to ken—to the beggar-wife says I—
Why lads are a’ to sell an’lasses a’ to buy;
An’ naebody for dacency but barely twa or three.
It ’s gey an’ easy spierin’, says the beggar-wife to me.

Oh, I wad like to ken—to the beggar-wife says I—
Gin death’s as shure to men as killin’ is to kye,
Why God has filled the yearth sae fu’ o’ tasty things to pree.
It ’s gey an’ easy spierin’, says the beggar-wife to me.

Oh, I wad like to ken—to the beggar-wife says I—
The reason o’ the cause an’ the wherefore o’ the why,
Wi’ mony anither riddle brings the tear into my e’e.
It ’s gey an’ easy spierin’, says the beggar-wife to me.

COMMENTS OF THE POEM
Eddie Creaney 02 September 2020

Possibly my most favourite poem by RLS after Requiem

0 0 Reply
Dr Antony Theodore 24 April 2020

The reason o’ the cause an’ the wherefore o’ the why, Wi’ mony anither riddle brings the tear into my e’e. It ’s gey an’ easy spierin’, says the beggar-wife to me.. very fine poem. tony

0 0 Reply
BEST POEMS
BEST POETS
READ THIS POEM IN OTHER LANGUAGES
Close
Error Success