ସମୟ ଓ ଜୀବନ Time And Life Poem by Gajanan Mishra

1

ଏତେସବୁ ହେଲା ପରେ ବି


କଣ ହୋଇଛି?
ଘରେ ବସି ବସି ଯାହା
ସରିଛି ସମୟ ।
ସମୟ ଅଛି କାହା ପାଖରେ
ଆଉ ସମୟ କି ଜିନିଷ ଯେ
ସରିବ ବା!
ଘର କହୁଛ ଯାହାକୁ
କଣ କି ସେଇଟା?

2

ଆଣ ନା ମୂଳରୁ

ଥାଉ ସେଇଠି
ଅଛି ଯୋଉଠି
ସେଇ ଭାଷା।
ଅଙ୍ଗଭଙ୍ଗୀ
ଚାଲିଚଳନ
ବ୍ୟବହାର
ନୁହଁ ଯଥେଷ୍ଟ
ଜାଣିବାକୁ ଆଉ ଆଉ!
କୁହା ହେଉଛି
ଯାହା ଯେମିତି
ଜମାରୁ ନୁହଁ ସେଇ।
ଯଦି ସତ
ହେଉଥାନ୍ତା ପ୍ରକାଶ
ନ ଥାନ୍ତା ଆଉ
କୌଣସି ସମସ୍ୟା ।
ସବୁରି ଭିତରେ
ଠିଆ ଭାଷା,
ଆଉ ଭାଷାକୁ
ସଠିକ ରୂପରେଖ ଦେବା
ନୁହଁ ସହଜ।

ତପୋବନ, ଟିଟିଲାଗଡ, ବଲାଙ୍ଗୀର
25/04/2020