Nagsilbi kang pisara upang simulang matutunan
ang mga letra't pantig patungong pangarap
na dati-rati'y inililimbag sa papel,
at isinusulat ang mga berso ng paghangad na maabot ang mga bituin,
sa kamusmusan ay naging lapis upang madaling maidantay ang mga kamay
sa tamang pagsulat at pag-ukit
ng mga katagang bumubuo ng mga pandiwang hatid ng aking pag iral,
mga mahahalagang simuno at mga panaguri
na isinasalaysay upang maihatid ang kabuuan at kaganapan ng buhay,
sa patuloy kong pagbaybay ng mga baybaying babaybayin
ay patuloy kong binabasa ang mga parirala at mga nakatala sa kwaderno
na nilalaman ng mga takdang araling nakatakda sa pagharap sa hinaharap,
sa aking pagkamulat,
mula sa apat na sulok ng aking mundo.
*alay para sa Pandaigdigang Araw Ng Mga Guro
Abellon,2015.
This poem has not been translated into any other language yet.
I would like to translate this poem
ayaw ko yong titser ko ibinubulsa yong MOE, pati yong para sa akin na bigay ng gobiyerno (P146/per student per month) ....hehhehehehe marami pa contribution sa bulsa lang nauuwi