Gabay Poem by Lance Abellon

(alay kay kuya Nick Tejedor.. at sa lahat din ng mga facilitators/spiritual directors)



Nais kong ialay
ang mga katagang isusulat ko,


Sa iyong ibinigay ng Maylikha
upang gumabay sa tulad ko.


Pumpangalawa ka sa mga gabay,
na gumagabay, umaakbay, sumasabay,
at humahawak sa aking mga kamay upang
umalalay sa daang nanaisin ng Diyos
na tahakin kong tunay.


Sa pag-ipaw ng mundo, nananatili kang nariyan
Di lumilisan,
sa gitna ng mundong bumubuslo,
Paroo't parito, pabago-bago.


Sinasamahan mo ako sa bawat paghakbang ng aking mga yapak,
Papunta sa Kanya na kung saan ang daan papunta ay tiyak

Bawat kataga ay uukit ng kailanman sa aking puso
Sa tulad mong nagbigay buhay, sa maliit kong mundo.



Abellon
19 Marso 2015.