هالدنيا بدا تزبيط لأنو كل شي صار مخلع متل البواب و الشبابيك! كلامنا صار نفسو فاضي و علاك! فئرتنا الايام و صار ما عنا شي! نحنا الاهم بس صرنا الائل! كتير كتير شايفين ادامنا بس ما منعرف وين رايحين! منطلع يمين و منطلع يسار دء الماي بتضل ماي! ما منئدر نمسك طرق الخيط لأنو ظلام... كل شي صار بدنا نحسبو حساب حتى اللي مالو ايمة! عايشين متل الاموات و ميتين متل الاحياء... بدو الواحد يطلع على حالو بالمرية ليشوف شو ثارلو! الواحد ماشي من اهرو و ما بيعرف وين بدو يروح! تسكرت كل البواب و حتى الشبابيك تسكرت! معك فرنك بتسوى فرنك و ما معك فرنك ما بتسوى فرنك... ادركبت الاوئية و صارت كل العالم بسوية... اساتنا عم بندور عا طرف الخيط! _____________________________________________________________________
This poem has not been translated into any other language yet.
I would like to translate this poem