True Love Never Dies Poem by shashi kumar

ek baar suno kuchh aisa hua,
wo mujhko mili, main us se mila,
wo dost bani, main yaar hua,
milna-julna bar-bar hua,
khatta-mittha takraar hua,
fir mujhko us se pyaar hua,

ikraar hua, izhaar hua, ek dusre pe aeitbaar hua...
kuchh kasamen thi, kuchh rasamen thi,
mujhe lagane lga ab jaise ki,
puri zindgi mere bus me thi...

par waqt ko naa ye raaz aya,
aur palatt gyi uski kayaa,
wo chhorr gyi, mujhe tod gyi,
mera gum se naata jod gyi,
wo rooth gyi, main toot gya,
saanson ka rishta bhi chhoot gya,

mera yaar gya, mera pyaar gya,
mera jindgi se aitbaar gya,
fir dhadkan meri ruk si gyi,
maut jeet gyi, main haar gya...

PAR FIR HUM MILE :)
wo akeli thi, main tanha tha,
hum dono the aur koi na tha,
wo rone lagi, main bebas rha,
na ikraar rha, na izhaar rha,
na pyaara sa wo pyaar rha,
bas fark hum me itna sa tha
wo mitti ke upar roti rahi,
main mitti ke niche sota rha,
uske aansoo tab mujhpe gire,
mera yaar shayad sarminda tha,
main mar bhi gyaa to kya hua
mera pyaar to ab bhi jinda tha :)