ଏକୋଇଶ Twenty One Poem by Gajanan Mishra

ଏକୋଇଶ ଦିନ ପରେ
ଗଜାନନ ମିଶ୍ର

ଧରାଯାଉ
ଏକୋଇଶ ଦିନ ପରେ
ସବୁ ବାଟେ ପଡିଯିବ ।
ଧରାଯାଉ
ଆଖି ଫିଟିବ
ଆଉ ସତମିଛ ବାରି ହୋଇଯିବ।

ସତରେ କଣ
ଚୋରିଦାରୀ ହଟିବ!
ଜୀବପରମ ଭେଟ ହେବ!
ସତରେ କଣ
ଦଶଦ୍ୱାର ଫିଟିବ!
ହେବ ମୁକ୍ତ କାୟ ମନ ବାକ୍ୟ!

କେଜାଣି
କେତେ ମାସ ଲାଗିବ
କେତେ ଦିନ ଲାଗିବ
ପବନ ପାଣିରୁ ଉଠି
ଆକାଶ ହୋଇଯିବ! !

ଆକାଶର ରଙ୍ଗ କେତେ
କିଏ କେମିତି କହିବ?
ଆକାଶ କେତେ ରୂପରେ
କିଏ ଜାଣିବ କୋଉଠି ରହିବ?

ଯେତେ ପ୍ରକାଶ ସେତେ ଅଦୃଶ୍ୟ
କିଏ ଜାଣିବ କେତେ ଖସେ
କୋଉଠୁ କୋଉଠିକୁ ବିନ୍ଦୁରସ।
ସବୁ ଜାଣିବ, ରୁହ
ଯାଉ ପାଖରୁ ଦିନ ଏକୋଇଶ।

ତପୋବନ,ଟିଟିଲାଗଡ,ବଲାଙ୍ଗୀର
26/03/2020