Buso bushwace bushwalale kanye nem'juluko,
Tikhwama ekhalweni lwamanyovu
Bafati bagamule emahlanga
Bagamule tibhuluja etintini letivulekile
Kugcumukele tibhuluja etikhwameni
Kuhanjwe ngelilayini etikwalelinye.
Emuva, njengelutfuli,
Sigulumba sel'tfuli
Incola ngemuva
Umbhemi es'telingini,
Kuvele ematinyo eligwayi
Njengemmbila lomtfubi lowomile.
Em'abutse tikhwama,
Tona tibekwe tisebenti tetigwece
Ngalokubekiwe,
Lokulutfuli etfulwini.
Lilanga lishaye enshonalanga,
Tisebenti
Njenge nsimbi lebovu leshisako:
Litfutjana nje,
Beme kusulwe insila ngalokomile
Kunatfwe etindishini letinemalanga
Kukhala emagwebudla kuphela.
Ngemizuzwana,
Emadvodza avule tikhwama kuchubeke umsebenti,
Bafati bahleti;
Sikhatsi sishayile
Kuphunyulwe etibayeni.