ଏ ଶୀତ ରାତିର ଆକାଶ ତଳେ, Under This Winter Sky Poem by Gajanan Mishra

1

ମୋ ଆକାଶରେ ମୁଁ,
ମୁଁ ଠିଆ ମୋ ପୃଥିବୀ ଆଗରେ।

ମୋ ପୃଥିବୀ ତୁମର,
ଯାହା ଭିତରେ ଖେଳାବୁଲା ଆମର ଏତେ।

ମୁଁ କଣ ନୁହଁ ତୁମର ସତେ!
ତୁମର ହସ ସୁଷ୍ଟ ଦିଶୁଛି ଏଠାରେ।

2

ଏ ଶୀତ ରାତିର ଆକାଶ ତଳେ,
ଶୋଇବାକୁ ଦିଅ ମତେ।

ମାପିବାକୁ ଦିଅ ମୋ ଭିତରର ଅଗ୍ନି,
ଏ ମାଟି ଉପରେ ଦେଖୁଛି ଯିଏ ସ୍ୱପ୍ନ ଅହର୍ନିଶ,
ନାହିଁ ଯାହାର କୋଉଠି ଶେଷ।

3

ଜାଣେ, ଏ ଶୀତ ରାତିକୁ
ନିଦର ଭାରି ଡର।

ଆକାଶ ଯେତେ ଭୟ ଦେଖେଇଲେ ବି
ମୋ ପାଖକୁ ପାରୁ ନି ଆସି,
ସେଇଟା ଇ ମୋର ବିଜୟ।

4

ମୁଁ ନୁହେଁ ବରଫ,
ନୁହେଁ ବି ପଥର ଖଣ୍ଡ।

ମୁଁ ଏକ ଡହ ଡହ ଅଗ୍ନି,
ସବୁ ମିଛଖଚ ଜାଳି
ସତ ପ୍ରତିଷ୍ଠିତ କରିବାରେ ଯିଏ ସଦା ବ୍ୟସ୍ତ ।