Kuba ngukukubuka nje,
Ngihlengezel' izinyembezi
Kuthambame nakwamancane
Ngizikhuze sengitetema, bheka izinyembezi
Ngizibambe sengicish' ukuthi unguye,
Ngizisole sengikugagule ngaye,
Lokhu unguye nje nezinqotho
Unguye usungibuka,
Naye wayengibuka kube wukumamatheka
Angisole ngokumthandel' ize lephakade
Angitshele ngothand' olugabavula kuyena,
Kube wukumamatheka nje angiwole, angithande
Angithophe, angibonge ngaphandle kwezizathu
Ungikhumbuza yena uNokuzotha wami,
Laph' ayesezothe phansi komthunzi wezintaba,
Angigqolozele ngaphansi kwesifungo sothando,
Angithamele ngithuthumela umzwangedwa,
Engibuza ngizomkhumbula ngani mhla engasekho,
Ukube ngangazi ngiyonqwamana nawe langa limbe
Ngangiyomtshela ungikhumbuza yena...
This poem has not been translated into any other language yet.
I would like to translate this poem