Urdu Ghazal 786 Poem by Colonel Muhamad Khalid Khan

Teray jalawon main hain khawab kanwaray saray
Mangnay aay hain hum khawab udharay saray
Kaisa parda hay kay jo husan nikharay tera
Teri aankhon main chamaktay hain sitaray saray
Itna manoos howa hon ka na pocho muj say
Dil samajnay laga ab teray isharay saray
Tu jhalakta hay meri madh bhari tanhayion main
Teri chahat kay hain ye piaray nizaray saray
Jis nay bhi dekh liya wo bhala kub buch paya
Jo Tujay dekh chukay dil wo hain haray saray
Tuj ko chho lay jo hawa tub bhi dharrkta hay ye dil
Mehr ki aankhon main hain khawab tumaray saray

Col Muhammad Khalid Khan