Ndivumele ndithath'umthwalo wam ndigoduke,
Amagqeshan'endisele nawo,
Kuloomasakan'amthwebeshu, ndibethe kwabanentsente,
Ndiyithiyile lendawo, nto zooBawo,
Inzond'endinayo
Isingqalakazi,
Andinoze ndiphinde ndiphenduke,
And'fun'uphinda ndiguquke,
Ngonyama ndini,
Usithathil'isidima sam,
Ubuthathil'ubuntombi bam,
Ngaphandle kwemvume yam,
Ndenze njani ke?
Ndithi ndakuwavala awenyama,
Ndikubonele mganyana kufuphi,
Sifutyana sinamanxeba,
Buso obunesinxenxe,
Imivumba, ngathi waxatyelwa kasixhenxhe,
Kaloku kudala bekohlwaya,
Awuva, yina na?
Awuphezi yintoni na?
Ubil'ooxhongo, uth'exhopho,
Uyihlome kangangoko ub'unqwena,
Wenz'odume ngako mntakwethu,
Awunaxhala wena,
Ndibangakhwaza, uyagragrama,
undigrogrisa ngayo yonke egrogrisayo,
Uyangigrumba, uyandigramza,
Gram-gram, awunagumbi uliphosayo,
Ndithi ndiyatshaba, nto yakuthi
Akho novelayo,
Imbala ozigqithelayo,
Uyalenza ke olusizi, ndiyaqiniseka ndiyambomba,
'Ncedani! ', kanti ndizibizel'unonganga,
Izibhakasholo zeenkunzi, zeempama, ukukhaphana, nendudumo zamanqindi,
Kunzim'uphefumla, uyandikrwitsha, undithembisa ngondibulala,
'Ntombazana, ndithe cambalala! '
Tsi! Unezimanga ngathi ndinganamandla, ndiphakame, ndikudube ngeplanga,
Esiny'isandla, mntakwethu, uyandiguquguqula, undenza yonke eyenziwayo,
Uyandiqhotsa, uyandiqhola, yonke ekukholisayo,
Ndod'endal'enesibindi,
Usijule kude nesosikhindi,
Phezulu kwam wotshele,
Intlungu zindongamele,
Andithethi, isijwili sekukudala,
Kowu ndonele,
Uz'ukhumbule lomzima upece-pece
Intam'ityeke-tyeke,
Kaloku yimveku, usaze ngobuso,
Lusana, lubomvu, luceke-ceke,
Ubetha kuwe, tata uyaxola,
Wakugqiba undishiya ndithe natya kweezongubo,
Ndibokoboko ziinduma,
Umzimba andinamandla, ndilityokololo, uyabaleka...
Ndikhala ndiyonela,
Loma nko itanki lenyembezi,
Sekubhobhoza umthomb'egazi,
Besingafunga, nesihlwelekazi
Kuxhelw'ithokazi..
UZE UNGAMSOLI WENA BAWO
This poem has not been translated into any other language yet.
I would like to translate this poem