Ahmed Nadeem Qasmi

(20 November 1916 - 10 July 2006 / Anga, Khushab / British India)

Vo ko_ii aur na thaa chand Khushk patte the - Poem by Ahmed Nadeem Qasmi

vo ko_ii aur na thaa chand Khushk patte the
shajar se TuuT ke jo fasl-e-gul pe roye the

[Khushk=dry; chand=few; shajar=tree; fasl-e-gul=spring]

abhii abhii tumhe.n sochaa to kuchh na yaad aayaa
abhii abhii to ham ek-duusare se bichha.De the

tumhaare baad chaman par jab ik nazar Daalii
kalii kalii me.n Khizaa.N ke chiraaG jalate the

tamaam umr vafaa ke gunaah_gaar rahe
ye aur baat ki ham aadamii to achchhe the

shab-e-Khaamosh ko tanhaa_ii ne zabaa.N de dii
pahaa.D guu.Njate the dasht san_sanaate the

[shab-e-Khaamosh=silent night; dasht=desert]

vo ek baar mare jin ko thaa hayaat se pyaar
jo zindagii se gurezaa.N the roz marate the

[hayaat=life; gurezaa.N=to run away from]

naye Khayaal ab aate hai.n Dhal ke zahan me.n
hamaare dil me.n kabhii khet lah_lahaate the

[zahan=mind]

ye iratiqaa kaa chalan hai ki har zamaane me.n
puraane log naye aadamii se Darate the

[iratiqaa=progressive]

'Nadeem' jo bhii mulaaqaat thii adhuurii thii
ki ek chehare ke piichhe hazaar chehare the

Listen to this poem:

Comments about Vo ko_ii aur na thaa chand Khushk patte the by Ahmed Nadeem Qasmi

There is no comment submitted by members..



Read this poem in other languages

This poem has not been translated into any other language yet.

I would like to translate this poem »

word flags

What do you think this poem is about?



Poem Submitted: Tuesday, April 24, 2012

Poem Edited: Tuesday, April 24, 2012


[Report Error]