Way Sapayan Poem by RIC BASTASA

Way Sapayan

sa tanang
panghitabo
tagaig
pasalamat

bisag gamay
lang god
basta pasalamat
lang gayod
gihapon

kon gisagpa
kas too
salamat kay
wa maapil
ang wala

kon gitikbas
kas likod
maayo lang
gihapon kay
wa maapil
imong suwang

kon gikawatan
kag bugas
pasalamat kay
naa pang
kaldero

sa tanang butang
sa tanang suok
sa tanang panghitabo
pasalamat lang
gayod gihapon

ayaw iapil
pagpakawat ang
luna sa
pasalamat

o kon moapil man
gihapon
ayaw nalang pod
iapil ang
makanunayong
way sapayan.

Tuesday, November 8, 2016
Topic(s) of this poem: life
COMMENTS OF THE POEM
READ THIS POEM IN OTHER LANGUAGES
RIC BASTASA

RIC BASTASA

Philippines
Close
Error Success