ଘଟି ଯାଇଛି ଯାହା What Has Happened Poem by Gajanan Mishra

ଘଟି ଯାଇଛି ଯାହା
ଘଟିବ ଆଉ ଥରେ
ହୁଏ ତ ଏପଟସେପଟ
ହୋଇପାରେ ଟିକିଏ।
ହୁଏ ତ ବଦଳିପାରେ
କିଛି କିଛି ସ୍ଥାନ କାଳ ପାତ୍ର।
ହୁଏ ତ କୋଉଠି କାହାର
ଭୁଲଚୁକ୍ ରହିପାରେ,
ହୁଏ ତ ଆଉ କିଏ
ଆଉ କୁଆଡକୁ
ଦିଗବାଗ ବଦଳାଇପାରେ।
ହୁଏ ତ ରଙ୍ଗଛଡା ଦିନର
ଲିପିରେ ଥାଇପାରେ
କିଛି ସତ୍ୟାସତ୍ୟ।
ହୁଏ ତ ସଙ୍କେତ କିଛି
ଛାଡି ଯାଇପାରେ ଆଉ କିଏ
ଆଗକୁ ବଢି ଯାଇଥିବା ରାସ୍ତାର।
ସାପବେଙ୍ଗର ଲୁଚକାଳିରେ
ହୁଏ ତ ଶକ୍ତି ଆଉ ସାମର୍ଥ୍ଯର
ପରିଚୟ ଦେବାକୁ ପଡିପାରେ
ନୂଆ ଭାବରେ ପୁଣି ପୁଣି।
ହୁଏ ତ ଆଗକୁ ଯିବାର ଅନୁମତିରେ
ନ ଥାଇପାରେ ବିଧିବଦ୍ଧ ନିର୍ଦ୍ଦେଶ।
ହୁଏ ତ ବଂଚିବାର ଅର୍ଥ ଖୋଜୁ ଖୋଜୁ
ବନ୍ଦ ହୋଇପାରେ ଦିଗବିଦିଗର ନକ୍ସା।
ହୁଏ ତ କୁହା ହୋଇଛି ଯାହା
ନ ଥାଇପାରେ ସେଥିରେ
ଘଟଣାର କ୍ରମ ବିନ୍ୟାସ ।