କବିତା କଣ କି? What Is The Poem? Poem by Gajanan Mishra

କବିତା ନ ଲେଖିଲେ
କୋଉ ଭାସି ଯାଉଛି ସମୁଦ୍ର ଯେ,
ଏତେ ଗହ ଗହ କି ଏତେ ରହ ରହ!
ଆରେ ନାଇଁ ତ ନାଇଁ,
ତୋର ଖୁସିରେ ମୋର ଖୁସି,
ମୋର ଖୁସିରେ ତୋର ଖୁସି ହେଉ ନ ହେଉ,
କୋଉ ଆକାଶ ବୁଡି ଯାଉଛି!

ଆରେ ଯାଃ, ଦେଖିବୁ ଯା,
କେତେ କବିତା ଯାଉଛି ହଜି ଏମିତି ଶୁଖାଭଟାରେ,
ଚିଙ୍ଗୁଡି ଗୁହରେ।
କେତେ ଲେତାଗୁତା
କହିଚାଲିଛନ୍ତି କେତେକଥା,
କିଏ କାହାକୁ ଖାତିର୍ କରୁଛି ବେଃ,
ଯାଃ!

କବିତା ନ ଲେଖି କବିତା ନ ପଢି
ବଂଚୁଛୁ କେମିତି ଦେଖିବି ତତେ ଯାଃ!

ଆରେ କବିତା କଣ କି?

ଆରେ କବିତା କଣ କି?
ଶିଂଘାଣିପୁଚ୍ଛା ମାଷ୍ଟ୍ରାଣୀ!
ତୋର କି ମୋର,
ଏ ଯାଏ ସମାଧାନ କରି ନି
କି କରି ପାରି ନି କେହି କୋଉଠି।
ଏଣେ ଆସି ଝଡଉଛି ରାଗ
କବିତା ଉପରେ!

ଆରେ, ଜାଣିନୁ ଏ ଯାଏ,
କବିତା ଛଡା ଆଉ କଣ ଅଛି ପାଖରେ?