କଣ କରିବ ତୁମେwhat Would You Do Poem by Gajanan Mishra

ଶୂନ୍ୟେ ଶୂନ୍ୟେ
ଗଜାନନ ମିଶ୍ର

ଶତ୍ରୁତା କଲେ
ଶୂନ୍ୟେ ଶୂନ୍ୟେ
କଣ କରିବ ତୁମେ!

ପାଖରୁ ଦୂରେଇ ଯିବା ଛଡା
ପାରିବ କି କରି ଅନ୍ୟ କିଛି!

ତପୋବନରେ ଥାଇ
ଦେଖୁଛି ଆଉ ଶୁଣୁଛି
ଆଉ ଅନୁଭବୁଛି
ମରଣାନ୍ତକ ପୀଡା,
ବର୍ଣିବାକୁ ନାଇଁ ଭାଷା।

ପୁରୁଣା ଜାଗାରେ ନୂଆ
ହେଲେ ବି ଯେତେ
ତଫାତ ନାଇଁ କିଛି
ଅନ୍ତଃସ୍ରୋତରେ ।

ବାହ୍ୟରଙ୍ଗରେ
ଅଛି କଣ?
ହସ କାନ୍ଦ ଦିହିଁକି ଦିହେଁ
ବେଶ୍ ଚାଲାକ।
କଡ ଲେଉଟାଇଦେବାକୁ
କେତେ ବା ଲାଗେ ସମୟ!

ମାପଚୁପରେ
ତଥାପି ଯାଉଛି ରହି ଖୁଣ,
ଆଉ ଏଇଥିରୁ ଯାଉଛି ଝରି
ଯେତେ ସବୁ ମାୟାମୋହ।

ତର୍କବିତର୍କରେ ନ ମାତି
ଛିଡା ହେବା କଥା ଆଗରେ
ଗୋଟିଏ ପଟରେ।
ଉଭୟପଟକୁ ଚାହିଁଲାବେଳକୁ
ଲୋକହସା ହିଁ ସାର ଏଠାରେ।

ତପୋବନ, ଟିଟିଲାଗଡ, ବଲାଙ୍ଗିର
30/5/2019