WHERE I BECOME YOU Poem by Antjie Krog

Toen uw vel schreeuwde vatten mijn beenderen vuur.
Hugo Claus
1.

jy kom my omhaal
aan die anderkant van die wêreld
jou roep hoor ek
bibbernagblou en ge-
blind aan stralende gebeentes

by jou my snerpende kop

onwillig behaar
geuromgord
begin jy die ek uit die self knoop
die onskendbare eens
laat jy los in vele

uit-mekaar-uit-neer-sit
losmakend die een stuk uit die ander
sodat die verbintenisse voortvouend
blyk in die ondraaglik meeskrywende a-
sem ongekloofde rose

om uit-
mekaar-te-haal
die ek
van die ook-ek
die jy
van die byna-
jou-in-my

hoor, sê jy, hoe on-
naspeurbaar treur
die dieptesig van liefde