ଭଗବାନ କୋଉଠି? Where Is Bhagabaan? Poem by Gajanan Mishra

1.

ଭଗବାନ କୋଉଠି?
ବୁଲି ବୁଲି ପଚାରି ଚାଲିଛି ଆକାଶ ଧରିତ୍ରୀ ।
ପ୍ରଶ୍ନ ଶୁଣି ହସିଛି କିଏ, କାନ୍ଦିଛି ଆଉ କିଏ।
ଆଉ କିଏ କହିଛି ପାଗଳ ଇଏ।

2.

ଭଗବାନ, ତୁମେ କୋଉଠି?
ସିଧା ପଚାରିଲି ଯେବେ,
ହସିଲେ ଭଗବାନ।
ହସ ଶୁଭିଲା ମତେ,
ଦିଶିଲେ ନାହିଁ କେହି କୋଉଠି।

କୋଉଠି କିଏ
ପୁଣି ରଡିଲି
ହସିଲେ ଥୋକେ
କହିଲେ ପାଗଳ।

ମୁଁ ମୋର ରହିଲି ଏକା,
କେହି ଦେଲେ ନି ଦେଖା।
କହିଲି ମୁଁ ଭଗବାନ, ଅଛ ତୁମେ,
ଜାଣେ। ଆଉ ଜାଣେ ତୁମ
ଥିବା ହିଁ ତୁମ ନ ଥିବା।

ହସିଲେ ଆଉ ଥୋକେ
ମୋ କଥା ଶୁଣି।
କହିଲେ ପାଗଳ।

ଯେତେ ଯୁଆଡୁ
ଯାହା ହେଲେ ବି
ପାଇଲି ଶୁଣିବାକୁ ପାଗଳ।
ହେଲି ନିଶ୍ଚିତ
ପାଗଳାମି ହିଁ ସତ୍ୟ ।

ମୋଠି ରହିଲି ମୁଁ ମତେ ଧରି,
ଗଲି ଆଉ ଆସିଲି ମୋଠୁ
ମୋଠିକୁ।
କହିଲେ ଆଉ ସମସ୍ତେ
ଛାଡିଦିଅ ତାକୁ, ସେ ଯାଉ।

3.

ମଠ ମହନ୍ତ ମସଜିଦ ମନ୍ଦିର
ପୂଜା ପରବ ପଶ୍ଚାତ୍ତାପ ପ୍ରାର୍ଥନା
ଭଜନ ଭଗବାନ ଭସ୍ମ ଭାଗିଦାର।
ଜୀବନକୁ ଛାଡିଦେଲେ ସବୁ ବେକାର ମିଶ୍ର ସାର୍।