ଦେଶ କୋଉଠି Where Is The State Poem by Gajanan Mishra

ଦେଶ କୋଉଠି?
ଗଜାନନ ମିଶ୍ର

କୋଉଠି ଦେଶ?
ଦେଶ କୋଉଠି ଯେ
ଖୋଜୁଛ ଦେଶଭକ୍ତ!
ଦେଶଭକ୍ତ ଆଉ
ଦେଶଦ୍ରୋହୀ ଭିତରେ
ଥିବା ପାର୍ଥକ୍ୟକୁ
ଦେଖ କୋଉ ଦୃଷ୍ଟିରେ!
ହୋ ହଲ୍ଲାକର ସଂସଦରେ,
ଦୁଲୁକାଅ ବିଧାନସଭା।
ମଦର ବନ୍ୟା କର ସୃଷ୍ଟି,
ଅବମାନନା କର ମାତୃଶକ୍ତି।
ଚିଲ୍ଲାଅ ରାଜରାସ୍ତାରେ
ନାରୀମୁକ୍ତି ନାରୀମୁକ୍ତି।
ଦେଶ କଣ? ଦେଶ କୋଉଠି?
ଅନ୍ଧଦେଶ ଆଉ ଅନ୍ଧବିଶ୍ୱାସ
ଅନ୍ଧ ଆଗରେ ରଖୁଛ ନେଇ
ଯାହା ଯେତକ
କିଏ କରିବ ସତ୍ଯ ।
ଦେଶ! ଦେଶ! ଦେଶ!
ଦେଶ ଭିତରେ ଏତେ ବେଶ,
ଦେଶ ଭିତରେ ଆମେ ତୁମେ
ହେଉଛେ ଶେଷ!
ଦେଶକୁ କର ସ୍ୱାହା
ହେ ମହାପାତ୍ର।
ପଚାର ନା ଆଉ
ଦେଶ କାହାର?

ତପୋବନ,ଟିଟିଲାଗଡ,ବଲାଙ୍ଗିର
2/12/2019