କିଏ ନୁହଁ ଚୋର? Who Is Not A Thief? Poem by Gajanan Mishra

ଚୋର
ଗଜାନନ ମିଶ୍ର

କିଏ ନୁହଁ ଚୋର, ଅବଧାନେ?
ମତେ କିଆଁ କରାଉଛ ଉଠବସ
ଆଉ ଦେଉଛ ପାନେ!
ମୁଁ ତ ଦାସାନୁଦାସ ତୁମର,
ତୁମେ ଆପଣେ ଇ ତ କହୁଥିଲ
ଆଣ ପିସି, ଲଂଘିବାର ଅଛି
ନିର୍ବାଚନ ପାରାବାର।
ଆମେ ତ ଛୋଟ, ଅତିଛୋଟ,
ତୁମଠୁ ବଳ ପରାକ୍ରମ ପାଇ
ହେଉଛୁଁ ଯାହା କିଛି ମୋଟ।
ମୋଟକୁ ନୁହଁ କି ନୁହଁ ଛୋଟକୁ,
ଆମ ପରିବାର ଭରଣପୋଷଣକୁ
ଶକ୍ତି ନାଇଁ ଆମଠି ହଜୁର,
ଆପଣ ମାଲିକ, ଯାହା ଚାହିଁବେ
ନ ହେବ ନୁହେଁ ।
ଆପଣଙ୍କ ଶ୍ରୀ ତୁଣ୍ଡରୁ
ବାହାରିଲାମାତ୍ରେ ଶବ୍ଦ
ନ ଥିବ ଆମର ହାତଗୋଡ
ବସଉଠରେ ସାରିଦେଲେ
ଧନ୍ଯବାଦ ଆପଣ!
ସବୁ ଚୋର ଚୋର ତ ଏଇଠି ହଜୁର,
ମାଟିରେ ଫଳୁ ନି ସୁନା
ଦେଖୁ ନାହାନ୍ତି ମାଲିକ!
ମୁଁ ଏକା ଶାସ୍ତି ପାଇଲେ
ବଦଳି ଯାଆନ୍ତା ଯଦି ପୃଥିବୀ
ମୁଁ ମରିବାକୁ ବି ପ୍ରସ୍ତୁତ ମହାରାଜ!

ତପୋବନ, ଟିଟିଲାଗଡ, ବଲାଙ୍ଗିର
6/6/2019