କାଁଜେ ଲେଖୁଛୁ କବିତା? Why Are You Writing Poetry? Poem by Gajanan Mishra

ଗୁଟ ମର୍ଣଂ, ଶୁଭ ସକାଳ, ଶୁଭ ସଂଧ୍ୟା,
ଜୁହାର, ମୁଡିଆ, ପ୍ରଣାମ, ନମସ୍କାର, ନମସ୍ତେ,
ବାଏ ବାଏ, ଟା ଟା, ନେଇଁ କର ନ ମୋର ବୁଆ,
ହେସବୁ ମତେ ଲାଗୁଛେ ବିଷ୍ ପିତା।

ମୋର ଜମି ପଡଲା ନ ପଡିଆ,
ଘର ଗଲା ନ ବୁଡି, ଏନ୍ତା
ଲଗେଇ ହେଇଛେଁ କନ୍ତରିଆ,
ଘିଚି ନଉଛନ୍ ବୁନ୍ଦେ ବୁନ୍ଦେ କରି
ସବୁ ରକତ୍, ଖେଲି ଖେଲେଇ ସଟ୍ଟା।

କହୁଛନ୍, ମର୍ ଶଲା,
ହଉ ଥା ଓଡିଆ ଓଡିଆ ଓଡିଆ!
ଓଡିଆ ବୁଡିଆ ନେଇଁ ଜାନି କେଁ ରେ ଛୁଆ?
ମାଏଝି ଭି ଆଏଜକାଏଲ ନେଇଁ ହେବାର ନ କଥା,
ବଝା, ବାଏବିଛୋ ହେଇ କାଁଜେ ଲେଖୁଛୁ କବିତା?