ସମୁଦ୍ର ସହିତwith The Ocean Poem by Gajanan Mishra

ସମୁଦ୍ର ସହିତ ହିସାବକିତାବ
ଅଛି ଆହୁରି ବାକି,
ତଥାପି ସମୁଦ୍ରକୁ
ଦେଇଛି ଛାଡି ପାଖରୁ।

କାନ୍ଦୁଛି କି ହସୁଛି
ନାଚୁଛି କି ଚାଲୁଛି
ପାରୁ ନି କହି,
ତଥାପି ଅଛି ସମୁଦ୍ର।

ସମୁଦ୍ର ଅଛି
ଆଉ ଥିବ ବି,
ସମୁଦ୍ରକୁ ସମୁଦ୍ର ଜାଗାରେ
ନ ଛାଡି ଆଉ କୋଉଠି
ଛାଡି ଥାନ୍ତି କି!

କେତେ ରଙ୍ଗ ରଖିଛି ସମୁଦ୍ର,
ସମୁଦ୍ରକୁ ବି ନାଇଁ ଜଣା।
ସମୁଦ୍ର ପାଖରେ
ନିଆଁପାଣି ସବୁ ସମାନ,
ମୁଁ ସମୁଦ୍ରର କି
ସମୁଦ୍ର ମୋର
ନାହିଁ ଜଣା।

ସମୁଦ୍ରର ଠିକଣାରେ
ମୋର କିନ୍ତୁ ଯିବା ଆସିବା
ଆଉ ସବୁ ସେଠି
ଯୋଗସୂତ୍ରର ବାହାନା।