Menu
Wednesday, March 7, 2012

Woh Adami

Rating: 5.0
Ah!
kitne bedaag
bina chamak safed
barf si safedi
safedi
jiske aar-paar
dekha ja sake-nazar se
peele daant jab bhi hanse
hanse ujjwal hansi
hansi bhi aisi
ki
aankhon me paani dekha
dridhta se kahu
kabhi jagah nahein mili
unn aankhon me aansu ko
uss aankh me jagah ho bhi to kaise-?
aansu ko
jaha kewal asha tairti ho
asha ghor asha
nishpaap asha
saste se kapado me
ab bhi guzar jata hai
mahnge se vicharo ka
woh adami
jisne kabhi shikayat nahein ki
kisi se
taambaai-mehnati rang
kisi rang me nahein ranga
jab tak jiya
ek hi rang me jiya
feeke ho jate hein-rang kapdon ke
rang chamdi ke samne
aashwast hu bhayya
jinke swar maun ho
unaki
zindagi bolti hai
baadhya hu
chita ko aag lagaate hue
wah ri deh!
itani luti
itani luti
fir bhi
itana ji gayi.4 august 1972

(Dehawsaan: 9 May72 Mangalwar-
8.00am/ Jodhpur)

(Mere Jeesa(Pita) Shri Shiv Danji ki yaad me)
Shambhu Dan Mehru
READ THIS POEM IN OTHER LANGUAGES
COMMENTS

If

Delivering Poems Around The World

Poems are the property of their respective owners. All information has been reproduced here for educational and informational purposes to benefit site visitors, and is provided at no charge...

1/19/2021 12:24:09 PM # 1.0.0.404