Yaad Hai Mujhe Poem by KAVITA SINGH

Tumhari wo baatein, aaj vi yaad hai mujhe
Huyi thi jo mulakatein, aaj vi yaad hai mujhe
Kaun kahta hai dooriyan yaadein mita deti hai
Tere saath me beetein wo lamhe, aaj vi yaad hai mujhe


Waqt ke saath bas tum hi to badle ho
Khamoshi bhari wo sari raatein, aaj vi yaad hai mujhe
Wo pal tham jata tha jb tum aate the pass mere
Wo tez dhadkanon ki raftare, aaj vi yaad hai mujhe


Us hawa ki baat hi alag thi jo tumhe chhu ke aati thi pass mere
Rim-jhim barish ki wo shame, aaj vi yaad hai mujhe
Aankho me tere doob ke ek sukun sa milta tha
Tere khyalon me khoi si wo raatein, aaj vi yaad hai mujhe


Fizaon me vi suroor tha tere hone se
Sard raaton me teri wo chahat, aaj vi yaad hai mujhe
Door hone se vi fasale nhi hote dilon ke
Dekh tere pyar ki sari baatein, aaj vi yaad hai mujhe