Menu
Wednesday, March 7, 2012

Zindagi Dhundhati Hai

Rating: 5.0
E mere pyare inasaan!
bohat bhatak rahe ho tum
issi tarah bhatakate rahe
to
mujhe darr hai uss din ka
ghabra kar tum kahien
aatmhatya na kar lo
marusthal ke musafir ki tarah
sukhe gale na mar jao
bemaut, maut karan banegi
tumhari baudhik chapalata
yeh mohak vaishya
tumhe kangaal karke chhodegi
fir uss kangaali me
tumhe budhaapa aur sataayega
yakeen karo, meri baat par
peeth ghuma kar dekho
tumne manushyon ko
kitane tukadon me baant diya
wo tumhaare maseeha the
Esaa the
Sukraat the
Gandhi the
ye vaishya
tumhe
Nit naye shringaar se
moh rahi hai
dus rahi hai
apane aap se saanch kaho
tumhaare kothar me
dhaan jyaada hai ya
baarood jyaada hai?
nirantar kumzor hoti ja rahi hai
tumhaari gyanendriyon ki shakti
aur yahi kaaran hai
tumne apane bachchon ko
pahchaanane ke liye
jo naam diye hein
wo sabhi bade ghaatak hein
ek din wo hoga
jab tumhe bhi zarurat padegi
ek bakari ke naak ki
ki
tum bhi
sungh kar apane bachchon ko
pahichaan sako
aur doodh pila sako
khud ko samjhdaar kahkar
ab
janawaron se door na jao
bachche maa ke doodh ko tarsenge
tum estanon ko sanwarte rahoge
ratikriya ke liye
sanwaarte rahoge
saadhnon ko chaand par jane ke liye
ja nahein paoge, padousi ke dwaar tak
jo tumse
kuchh hi doori par
kahraata rahega, tumhari madad ko
fir bhi mere pyare insaan
tum budhimaan ho
padousi ke dard ko kuchh
apne bhulawe ko kuchh

naam dedoge
par, kab tak?
wah din kareeb hai ab
jab
sabhi insaan bhawnaon ki jagah
mahaz tark ke putle honge
jo ankganit ki tarah
jodne se jud jayenge
aur ghataane se ghat jayenge
gufaon me rahne walon ki tarah
asabhyon ki tarah(tumhari bhasha me)
patthar ko poojo,
barasaat ko dev samjho
band karo mashine ka poojna
pyare insaan!
yeh riktata
jis din seema laangh gayi
uss din baarood ki kheti hogi
chaman me zahar ki khoj hogi
tumhe zindagi ab bhi dhundhti hai,
kisi gobar se pute khalihaan
aur mitti se sane shareeron me.


July 1964
Shambhu Dan Mehru
READ THIS POEM IN OTHER LANGUAGES
COMMENTS

Phenomenal Woman

Delivering Poems Around The World

Poems are the property of their respective owners. All information has been reproduced here for educational and informational purposes to benefit site visitors, and is provided at no charge...

1/21/2021 2:02:03 AM # 1.0.0.411