Zindagi Ki Dhoop Mein Poem by Sumali Nagarajan

Zindagi ki dhoop mein chalte chalte
Yunhi ek din zara dil ghabraya
Kya chahta hai, apne dil se poochha
Lekin phir koi javab nahin aaya.

Kuch aise savaalon ne aksar tadpaya
Dimag ne dil ko phir aise samjhaya
Zindagi to dhoop-chhanv ka hi khel hai
Socho tumne kis par gaur pharmaya.

Mana tedhe-medhe raston ne bahut uljhaya
Magar achhi soch ne bahut kuch yunhi suljhaya
Apne bare mein to sabhi sochte hain
Kya kabhi doosron ke hit ka khyaal aaya.

Phir ek aisa sunder drishye nazar aaya
Jisne dhoop-chhanv, ghana jungle aur aasmaan
Lambe raste aur makaam
Sab kuch ek sath dikhaya.

Dimag ne dil ko phir aise sikhaya
Yahi zindagi hai, ismein saab kuch hai samaaya
Magar achhi soch se honge achhe kaam
Baki to sab hai man ki maya.