अनजालिनि न'आव आंनि हाबिला Poem by Bidindra Basumatary

बैसागो सिख्लानि आखाइ फायखननायाव
नोंनि जोनोमगिरि बिमानि इसिंआव
जाहाबनाय दैहाबनाय माइब्रा रोसि
बर'नि रंजानाया बेयावबो
दाव अमा फिसिनायजों
जागोन लोंगोन रंजागोन मोसागोन
आंबो लुबैयो अनजालि
बे बोथोराव बे रंजानाय
नोंसि न'आव मोसानो
नङा नाथाय माइब्रा बिदैजों।
आंगो हारिमु लाखिनाया
आंगो खान्थि दिन्थिनाया
नङा माइब्रा बिदैनि मुहिनायजों।
अनजालि गाज्रि दामोन
आंनि हाबिलाखौ हेंथा दाहो
इयुनावबो रंजानाय जोंनि
थाबाय थाथों आरो
साबना हामना जासिनथों
अराय बयजोंबो अनसायजाथों! !