मिथिंगा अनजालि Poem by Bidindra Basumatary

मिथिंगा सिख्ला अनजालि
मा एसेदि समाइना
हायनारि महर नोंनि
देलाइस्रि निजोम नों
स्राय-स्राय हगारसारनाय गोलाव खानाय
गानफब जोमफ'ब समायसारनाय
गोसो थोयो आंलाय सना
नोंखौनो अरायथि लाना
आंनि हां गोमा जासिम।
नों गुवार बिखा
बयखौबो बोज'बनाय, गैया
नासयनाय रावखौबो
-
नोंनिनो बिखायाव माब्लाबा नुयो आं
गोसोम दागो अब्लाना गाबख्रावो आं
आरो मुगैयो बैसोरखौ, जायफोर
गाहोबाय नोंनि बिखायाव गोसोम दागो
लाजिफोनाङो जायफोर नोंखौ, बिसोरखौ
आं मेगन थाइसेजोंबो नायनो हाया
-
जायफोर आंनि गोसोथोनाय अनजालिखौ
एसेबो अनसाइरोङा आरो मान होआ
आंहाबो गोसो जाया बिसोरखौ
नोजोरथिनो हां खनसेनि जिउवाव।