नोंनि गोरोन्थिखौ
आं दिनै निमाहा होबाय
उन्दै बोसोआव नोंनि संसाराव आगान होनाय
आंखौ सोगाबदोंमोन
गोर्बोखौ खामग्लि होदोंमोन
सानस' रोङाखैमोन नों
दिनै अब्लाबो आं
नोंनो निमा होबाय
-
हास्थाइयो नोंनि गोर्बोनि
अनजालु अनजालि फिसा
दाजानांथों हाथा-हारामा
नों रोङासैब्लाबो दादोन
दुब्लिनि खदाल सिखा रुवाजों
दादोन न'खरनि जें जाबोरजों।
-
दावगालु अख्रांआव
थिनहर सोलोंनायनि बिबार बागानाव
खालामनो गोदान समायना बारि
जिउ दिङाखौ बैथा नाङि
आखाइ रुबायनाङै, अखा सिजानाङै
गोदान दिहुन्थाइजों खारफाथों।
-
नोंखौ आइ-आफाया जेरै-
बोसोन थिदोंमोन
इयुनाव देरहासारनायनि दाहाजों
फोरोंदो नोंबो
नोंनि गथ'-गथाइनो
जिउ राहा दानो
फेर नांनो खुसिनि रंजागिरिफोरजों।
-
This poem has not been translated into any other language yet.
I would like to translate this poem