मिथिस'या Poem by Bidindra Basumatary

गोर्बो गोर्बो गोरसावदों
मिजिं मिजिं गावख्रावदों
सिमांफोरा खारस्रावबायदों
-
दायो फेसाया जमबायदों खोमसियाव मैहुर
सियालफोरा हान्थिदों दाउ-हांसोनि गग्रायाव मैहुर
-
सिरि निजोम हरा दान्दिसे उनावनो
हाथा-हामा अख्रां नांहैदों सोदोब रिंखाङो
-
जिगाबनि सेरेमनायाव अर जोंब्लावदों
उखुन्दै खुदों अर खामब्लावदों, दुंखांदों
-
जोलै बेगरनि गाबख्रावनायाव थिलिया
दायनिगिरि मोनना गावखौनो मुगैना
सिरि दरसि जहाबदों मासियाव दान्दिसे सानहाबना।