सानस्रिजों बुहुमनि सोंलु Poem by Bidindra Basumatary

बुहुमा दिनै बिखा बुयै गाबख्रावदों
मोदै हुगारै सोंलुं सोंदों-
गोहोनि बिगोमाफोर दिनै
राजखान्थिनि जेथोजों दिनै
इनाय अनागार फानजारि सोरजियाव
आं दिनै सहायहायै दाहायाव
मानि लुबैनायाव?
मा गोमानायाव?
थुब्ला थुब्ला दै गुथाल बादि
लैथोनि दै बादि
लोगोसे गोथैसालि
आंनि बिखायाव
गोजा गाबनि निजोरा
खारलिं-खारथिं बेगें हारा।
सोदोमस्रिनि मुखा गानै गानै
हाद्रि-बालाजों इसेबो गेलेनो गिला
गन्थं मुथेब्लानोदि बेराम साफिया
बेखौनो बेसोर उदिस मोना।
आंनि सोलेरा खारलिंदों
गोबांआनो आंखौ मुगैफ्लादों।