आंनि न'आनो मोनसे सावथुन
आंनि न'आवनो हिर'-हिर'इन
आंनि न'आवनो जुदा-जुदा
सोरजोंबा अनलायनाय सोरजोंबा नांलायनाय
दायो बेयो गोदान कालसार
बयनि नख'रनिनो कालसार जानांगौ
बिफाया हिर'ब्ला फिसालाया जिर'
बिदाया पुलिसब्ला फंबाया एक्सट्रेमिस्ट
गावलायनायनि अखा खोरोमनाय सोदोबाबो जोबनो थांलिया
खारलिंनाय थैनि खारनायाबो खारगालिया
बिमानि मेगना जाहाबनारजों बुथेबाय
मोदैनि साहाराजों मोखां सिग्लाबबाय।
गावजों गावनो बिखा बुलायनाय
रावबो साबजानाय गैलाया रावहाबो
बिमा-बिफायाबो जुदा जुदा आखु
थारैनो मानि जाहोनाव?
मा बार बारदों?
खान्दा अजाया रायाखैथ'?
थेमफ्रि दाइनिया रायहराखैथ'?
नङा बेयो नंथारा
बिसोरखौ दाइ होनायआ आंनि सुनि खाफालनि बरादबोल'सो।
बेफोर जौसांआव जिरायग्रा सिंहफोरनिसो
हाफायनानै दोननाय समायना दंफां दाफायाव
बिसोर जदामब्लेनो लुबैना
गोदै गोदै बुंसोमनायावसो।
माफ्रोमबो सिंहआनो गावबागाव जथुमदों
अरणनिनो जिबिफोरखौ बोखावदों।
This poem has not been translated into any other language yet.
I would like to translate this poem