बे लामाया दायो Poem by Bidindra Basumatary

बे लामाया दायो।।
खुवा निहिरनि साग्लोबनायजों
दुब्रि हाग्राया सिग्लाबदों
गोजाननि नुथाइफोरखौ आन्दायबायदों
लामा थाबायनायाव गोजांनायाव
आथिंआव जेबो गोयैयाव
मिजौलांदों थोंनै आथिं सोरबानिया
सौहैनांगौ थावनिखौबो होसोलांलिया
दायो बिसोर बे लामाजों हान्थिलांलिया
फाख्खा लामाजोंसो हान्थिबायसै
लाइतजों जोंखोलनाय
जायजों हाद्रि बाला जेबो नांआ
खोमसि साग्लोबा गोजाङाबो।
दलरै आखाय सोमावसैल'
माखासे आंगोफोरनि गोजांनांनायखौ नुहरलिया
बे लामाजोंनो बिसोरबो
खौसेयैनो हान्थिलांबाय थानायमोनब्ला
आं सानो थैहाबनाय सानस्रिजों
दुब्रि हाग्रायानो
आगानफोरजों फाख्खा जालांसिगौमोन।
बे लामाया दिनैबो
निहिर आरो खुवाजोंनो साग्लोबनाय
थाबायनाय माखासेनि आगानजोंब्लाबो
एसे खारहांदों जानांगौ दायो।